Plantun de Prouvènço

Pèr coumpara dos planto d'encò nostre

Dianthus seguieri & Achillea erba-rotta

Dianthus seguieri

Caryophyllaceae

Nom en français : Oeillet de Séguier.

Descripcioun :
Aquesto giróuflado trachis en mountagno mejano, dins li bos clar, li roucaio e tepiero seco. Fai d'enflourejado de 2 à 5 flour. Li fueio soun plano e la tijo sènso péu. Li sepalo soudado fan un "calice" à dènt pounchudo. Li bratèio soun nourmalamen longo (> 3/4 dóu tube). Se recounèis subretout à si flour d'un poulit rose emé souvènt lou deforo de la gorjo pourpre. La subsp. de Prouvènço, ié dison seguieri.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 45 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Dianthus
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 1,5 à 2 cm
Flourido : Estiéu

Sòu : Ca
Autour basso e auto : 800 à 1800 m
Aparado : Noun
Juliet à setèmbre

Liò : Bos clar - Tepiero seco - Roucaio
Estànci : Coulinen à Subaupen
Couroulougi : Ouroufito-Éuropenco
Ref. sc. : Dianthus seguieri Vill., 1779

Erbo-de-santo-Ano

Achillea erba-rotta

Asteraceae Compositae

Noms en français : Achillée à feuilles simples, Achillée des montagnes.

Descripcioun :
L'erbo-de-santo-Ano (J.-L. Domenge in LMT, op.cit. p. 57), flouris l'estiéu dins lis esboudèu e pelouso aupenco séusouso (Santo-Ano èi celebrado lou 26 de juliet). Es uno Achillea óudouranto que se recounèis à si fueio dentado. La subsp. erba-rota èi la souleto presento au nostre.

Usanço :
Di proun óudouranto, es emplegado coume meno de genèpi que n'a quàsi li mémi prouprieta ; en tisano, pèr l'aigardènt .... Pamens avisas-vous qu'es uno planto proutejido sus listo roujo, categourìo LC, es à dire soucit minour.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Achillea
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Blanco Jauno
Petalo : >6
Ø (o loungour) enflourejado : 0,8 à 1,4 cm
Flourido : Estiéu

Sòu : Si
Autour basso e auto : 1800 à 3000 m
Aparado : Noun
Juliet à avoust

Liò : Esboudèu - Baus - Pelouso
Estànci : Subaupen à Aupen
Couroulougi : Ouroufito-Ouèst-Aupenco
Ref. sc. : Achillea erba-rotta L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Dianthus seguieri & Achillea erba-rotta

ges

Coumpara Giróuflado(-de-Séguier) emé uno autro planto

Coumpara Erbo-de-santo-Ano emé uno autro planto